Nëtzlech Adressen

Am Kader vun ärer Missioun als Klassendélégéierten, als Schülercomité oder als CNEList geet och oft drëm gutt informéiert ze sinn, an dat och eventuell kënne weider ze ginn. Hei drënner fannt dir eng Oplëschtung vun Servicer déi iech an ärem Alldag hëllefe kënne mat jeweils engem kuerzen Descriptif.

Generell Informatiounen

De Centre Information Jeunes & Point Information Jeunes funktionnéieren nom Prinzip vun der Europäescher Jugendinformatioun, dat heescht dir kritt gratis an anonym gehollef eng Äntwert op är Fro ze kréien oder ze fannen. Hei gëtt et keng Limite zu de Froen, an dir kënnt dervun ausgoen dat d’Infos déi der kritt neutral, komplett a kontrolléiert sinn. Deen eenzegen Ennerscheed ass dat den CIJ zu Bouneweeg an der Stad ass, an de PIJ zu Esch am Zentrum.

Noutsituatiounen

Bei SOS Détresse, dem Kannerjugendtelefon, an dem Elterentelefon kennt dir anonym urruffen wann dir selwer an enger Noutsituatioun sidd, oder een an ärem Emfeld. Op hieren Internetsite gesidd der zu wéienge Momenter sie z’erreechen sinn, an et ass besser eng Kéier ze vill unzeruffen als ewéi déi eng Kéier wou et vläicht wierklech wichteg war gezéckt ze hunn. Bleiwt net elleng a rufft un!

Beim Centre psycho-social et d’accompagnement scolaires (CePAS) a Service psycho-social et d’accompagnement scolaires (SePAS) hudd dir eng Plaz wou dir iech och melle kennt oder einfach laanscht goe kënnt. Do schaffe generell Educateuren a Pyschologen déi iech a schwéieren Zäiten zur Säit kenne stoen.

D’Ligue Médico Sociale proposéiert ee Service d’information et de conseil en matière de surendettement wou der iech melle kennt wann dir finanziell an eng schlecht Situatioun gefall sidd. Si wësse generell iwwer Alles Bescheed a kennen iech och weidervermëttelen.

De Refuge Péitrusshaus ass en Noutfallservice, dee Begleedung an Ënnerstëtzung fir Mannerjäreger a jonk Volljäreger bis 21 Joer a Krisesituatiounen ubitt. Déi Jonk kenne 24/24St a 7/7D op dëse Service zréckgräifen. Eng interdisziplinär Equipe ass iwwert eng gratis HOTLINE mat der Nummer 8002 6002 oder sur Place um Boulevard de la Pétrusse, Hausnummer 43, Lëtzebuerg-Gare, ze erreechen. Hier sozial Mataarbechter lauschteren de Jonken an Nout no a gi Rotschléi. D’Zil ass et an éischter Linn d’Krisesituatioun beim Jonken a sengem Entourage ze berouegen, fir uschléissend verschidde Léisungsweeër ze fannen.

Office National de l’Enfance

Office Social

Drogen a Sucht

De Service Fro No vum Centre de Prévention des Toxicomanies (CEPT) bidd Informatioun zu Drogen an zu Plazen déi bei Sucht kënne weiderhëllefen. Per Telefon kënnt dir och beroode ginn, fir bei dee richtegen Service ze kommen deen iech dann och ka weiderhëllefen. D’Alcool Médicaments Addiction AMA.lu asbl proposéiert ähnlech Hëllefen. Wichteg ze wëssen ass dëss Servicer net nëmme fir di Persoune sinn déi d’Substanz consomméieren, mee och fir Leit aus dem Emfeld déi Hëllef brauchen.

Impuls

Internet

Zu allen Themen “online” fannt dir Informatiounen an Hëllef bei BEE SECURE. Dir kënnt och iwwert d’Stopline online eppes mellen wou dir net dermadden averstaane sidd.

Sexualitéit & Gesondheet

De Planning Familial hëlleft jidderengem deen et brauch a wëll duerch Beroodungen an duerch medezinesch Ennerstëtzung. Hier ganz Equipe ass un de secret médical gebonnen!

De Centre d’Information GAy et LEsbien asbl (CIGALE) riicht sech un homosexuell, bisexuell mä och heterosexuell Leit déi zu iergendengem Zäitpunkt vun hirem Liewen eng Ënnerstëtzung brauchen am Zesummenhang mat hirer sexueller Identitéit oder Orientatioun. Hieren Zentrum ass awer net nëmmen als renge Berodungszenter ze verstoe mä virun allem och als geschützte Raum fir Leit déi hir Homosexualitéit aus wéiengem Grond och ëmmer (nach) nët kënnen oder wëllen öffentlech ausliewen. Op alle Fall ass hieren Zentrum op fir all Mënsch deen um Thema intresséiert ass an Informatiounen heizou sicht. Sie bidde nët nëmmen allgemeng Informatioun an eng individuell sozialpädagogesch Begleedung un, mä fir déi ënner 25-Jähreg fonktionnéiere sie och eemol d’Woch wéi e Jugendhaus.

Bei der HIV Beroodung ass nierwt dem medezineschen Aspekt vum Testen vun AIDS an aner ustiechenden sexuell iwwerdrobare Krankheeten, och d’Informatioun, Beroodung a psychologesch Ennerstetzung ee wichtegen Aspekt.

Bei Intersex an transgender Froen ass d’Intersex & Transgender Luxembourg eng gutt éischt Ulaafstell.

Rechter

Den Ombudscomité fir d’Rechter vum Kand (ORK) setzt sech a fir d’Rechter vum Kand (a Jonken), a bidd Gespréicher a Beroodung. Den ORK ass eng neutral Kontaktplaatz déi d’international Kannerrechtskonventioun bekannt mecht an op déi korrekt Uwendung uecht. All Kand op der Welt huet déi selwecht Rechter. Jidderee soll seng Rechter kennen, fir drop ze uechten datt se respektéiert ginn an datt jiddwer Kand nogelauschtert gëtt.

De Centre pour l’Egalité de Traitement (CET) übt seng Aufgabe ganz onofhängeg aus a säin Ziel ass d’Promotioun, d’Analys an d’Iwwerwaachung vun der Gläichbehandlung tëschent Persounen, ouni Diskriminatioun op Grond vun der Rass oder der ethnescher Hierkonft, vum Geschlecht, vun der sexueller Orientéierung, vun der Relioun oder den Iwwerzeegungen, vun engem Handicap a vum Alter.

D’Mobbing asbl ass engersäits eng Hëllefstell fir Persounen déi sech (virun allem am beruffleche Feld) gemobbt fillen, mee anerersäits och ee potenzielle Partner fir Mobbingaffer déi Bereed sinn, hier Interessie viru Geriicht ze verteidegen. D’Mobbing asbl probéiert natierlech ze médiéieren ier et dozou kënnt.

 

Studien & Orientéieren

Schaffen

  • Antenne locale pour jeunes (ALJ) www.alj.lu
  • Agence pour le développement de l’emploi (ADEM) adem.public.lu +352 2478 8888

Gewalt

Benevolat & Politesch Participatioun

  • Agence du Bénévolat benevolat.public.lu +352 26 12 101
  • Conférence Générale de la Jeunesse du Luxembourg (CGJL) www.cgjl.lu +352 40 60 90
  • Jugendparlament www.jugendparlament.lu +352 40 60 90 332

Zéckt net eis hei ze kontaktéieren a weider nëtzlech Adressen ze froen!