De Reflexiounsweekend vun der CNEL ass een nationalen Treffen, den als Ziel huet, de Vertrieder aus den 41 Lycéeën d’Méiglechkeet ze ginn, sech iwwert wichteg Theme Gedanken ze maachen an Avis’en, Strategie’en a Prioritéiten auszeschaffen. Duerch de Konzept vun engem Weekend hunn d’Schülervertrieder déi néideg Zäit fir sech kreativ auszetauschen a sech an engem neutrale Kader, ausserhalb vun der Schoul, kennen ze léieren!

D’CNEL organiséiert all Joers véier sougenannten „Journées des comités d’élèves“ op regionalem Niveau, 1x am Norden, 1x am Süden an 2x am Zentrum fir all Schülercomité am Land.

Op dësen Schülercomitéë – Deeg kréien d’Schülercomitéë aus enger Géigend d’Méiglechkeet sech zu verschidden Thematiken ënnereneen auszetauschen an si kréien, do donieft, Informatiounen iwwert hier Rechter a Flichten als Schülervertrieder a weidert Wëssen fir mat op de Wee an hirer Schülercomitésarbescht. Fir gutt Laun ass natierlech och ëmmer gesuergt! 😁

Dës Journéeën fannen ëmmer mat der Ënnerstëtzung vun Restopolis statt a vun de jeeweilegen Lycéeën wou d’Journéeën stattfannen, hinnen e groussen Merci! 😃

Teambuilding ass wichteg, fir dass de Schülercomité zu enger motivéierter Grupp zesummen schweesst. Oft kennt een sech net gutt am Ufank am Joer, dofir soll een Zäit huelen sech besser kennenzeléieren andeems een Spaass zesummen huet a Vertrauen opbaut.

👉 Den SNJ bitt zum Beispill e gratis Teambuilding un fir Schülercomitéen, méi Infoen fënns du hei:

http://marienthal.snj.lu/activites/enseignement-secondaire/parc-teambuilding-fir-schulercomiteen

Du bass motivéiert deng Schoul matzegestalten?

Du setz dech gär fir deng Matschüler an?

Du sammels gär nei Erfarungen a wëlls deng Meenung soen?

Du iwwerhëls gär méi Verantwortung?

👉 Da bass DU genee dee Richtegen fir an de Schülercomité ‼️

Informéier dech op dëst Joer Walen an denger Schoul stattfannen a maach mat!

D’National Schülerkonferenz (CNEL) zielt op dech fir d’Stëmm vun de Schüler nach méi staark ze maachen. 💪