Avis zur Schoulrentrée am Mee

D’CNEL, déi national Schülerkonferenz, gesäit an dëser schwiereger Zäit vum Covid-19 eng Rei Problemer bei der Schoulrentrée am Mee. D’Schüler stellen sech nach eng Partie Froen a hu Bedenken nieft hirer Angscht déi se nach hunn.

Allgemeng géinge mir eis Schüler méi Transparenz wënschen, grad an dësen Zäiten. Et muss fir jidderee méi Kloerheet geschafft ginn, well vill Froe stinn nach oppen am Raum, wat vill Schüler veronséchert zréck an d’Schoul ze goen. Mir sinn eis natierlech bewosst, dass villes komplizéiert ass an vill Decisiounen Zäit brauche geholl ze ginn, mee mir wëlle gären hëllefen des Situatioun ze iwwerwältegen. Hei an dësem Schreiwes si puer Froen a Gedanken dran déi fir d’Schüler nach onkloer sinn.